Marknadsrådet

Marknadsrådet vart etablert i 1974, og er eit forvaltningsorgan som hovudsakleg fylgjer forvaltningslova sine reglar i si sakshandsaming. Marknadsrådet ligg administrativt under Barne-, likestillings- og inkluderingsdepartementet, og får alle sine midlar over statsbudsjettet.

Ei sak som skal handsamast av Marknadsrådet etter marknadsføringslova må alltid fyrst ha vore til handsaming hjå Forbrukarombodet. Saka kan bringast inn for Marknadsrådet av Forbrukarombodet sjølv, eller av nokon med rettsleg interesse. Saker om reklameforbod i kringkastingslova skal fyrst handsamast av Statens medietilsyn, og saker om forbod mot reklame for tobakk og alkohol skal vera handsama av Sosial- og helsedirektoratet.     

Vedtak som vert fatta i Marknadsrådet er forvaltningsvedtak etter forvaltningslova. Vedtaka kan likevel ikkje påklagast, men kan bringast inn for dei ordinære domstolane. Sivilombodsmannen har óg sett seg kompetent til å uttala seg i saker som har vore handsama hjå Marknadrådet. Sakshandsaminga kan påklagast til

Barne-, likestillings- og inkluderingsdepartementet. Etter at ei slik klage er ferdig handsama i departementet, kan den bringast inn for Sivilombodsmannen for vurdering.   

Marknadsrådet handsamar kring 20-30 saker i året, og den gjennomsnittlege sakshandsamingstida er om lag 3 månadar.

Marknadsrådet er samansett av 9 medlemmar med personlege vararepresentantar. Alle blir nemnt opp av Kongen for 4 år om gongen. Marknadsrådet har ein leiar, ein nestleiar og sju ordinære medlemmar.